NAYA MALIA
Nakagat ko ang hinlalaki kong daliri habang nagpapalakad-lakad sa kwarto ni Fabian matapos niyang ipaliwanag sa akin na noon pa ang mga babaeng iyon, at bago pa niya ako matagpuan.
At nitong nakaraan minsan daw siyang sumubok sumiping sa iba noong mga panahong galit na galit siya sa akin ngunit hindi niya raw itinuloy dahil ako ang paulit-ulit pumapasok sa isipan niya...
Gayon pa man para sa akin hindi pa rin tama iyon... kaya napaupo ako sa kama at nasuklay ko ng mga daliri ko ang buhok ko.
Ngayon, isa pang iniisip ko paano ko makakausap si Vicente kung ayaw niya ako ipakita sa kanila?
Paano ko ito... mariin akong napapapikit at napahiga na lang sa kama saka ko inilagay ang isa kong kamay sa noo ko.
Sumasakit ang ulo ko.
Paano bang gagawin ko?
Gusto ko umalis ngunit...
