Talaga bang seryoso si Yttrium na hindi siya magpi-pitch? Pumunta ako rito para makita ko iyon pero ba't hindi siya maglalaro?
Finals... akala ko pa naman siya ang magiging closer ng laro. Nakakalungkot lang. Dahil kaya sa'kin 'to? Pero sabi niya, 'wag ko raw isipin na dahil sa'kin.
Nakakainis... nakakainis ako.
Ako talaga 'yong halimaw sa sarili kong kwento... ako lang 'yong kontrabida. Kahit no'ng una pa lang, hindi naman talaga si mama o si Yttrium 'yon, kundi ako lang.
Tulala akong bumalik sa upuan namin. Kahit mga kaklase ko, napansin na nagbago iyong mood ko.
Nang una, tinatanong pa nila kung may nangyari raw bang hindi maganda pero umiiling lang ako hanggang sa nagsawa na rin silang tanungin ako.
Nagsimula na rin ang 3rd inning kaya nanood na lang ako at hindi na muna in
