No'ng ikalawang gabi ko na sa club ay more than ready na akong tapusin ang totoo kong pakay.
At dahil sa kasunduan namin ni Dora no'ng unang gabi ko rito ay nasisiguro kong magagawa ko na talaga ang utos ni Mrs. Lim.
Malaki-laki rin ang fifty thousand na matatanggap kong bayad 'pag magawa ko ang trabahong ito.
Mabuti na lang at mukhang hindi darating ang magkapatid na Carson ngayong gabi. Hindi rin ako obligadong magpa-cute sa mga customer o sumalang sa show kaya malaya kong nasusundan ang bawat kilos ni Lyliah at ni Mr. Lim.
Nang mapansin kong sabay na umakyat ang mga ito sa taas ay alerto naman agad akong sumunod. Sigurado akong magme-mekus-mekus na ang dalawa kaya inihanda ko na ang hawak na camera. Kay Mrs. Lim pa galing ang mamahaling camera na ito. Gusto niya kasi ng malinaw na k
