Hindi na ako nabigyan ng pagkakataong sumagot sa huling sinabi ni Killua dahil natuon ang atensiyon ko sa pagbubukas ng mataas na gate na nasa harapan namin.
Bago pa lubusang tumino sa isipan ko na papasok ang sinasakyan namin sa loob niyon ay tumambad na sa paningin ko ang isang malaking bahay.
Kung bahay nga bang matatawag ito. Hamak na mas malaki pa ito sa munisipyo namin sa probinsya. Naalala ko na noong kabataan ko ay hangang-hanga ako roon at inaakala ko talaga na palasyo iyon. Hindi pa ako nakakita ng totoong palasyo sa personal, pero parang ngayon pa lang yata.
Kahit iyong buong apartment building ni Tita Ava ay walang panama sa laki nitong bahay na nasa harapan ko. Gaano kaya kahirap linisin ang buong bahay?
"B-bahay ni'yo 'to?" wala sa sarili kong tanong habang hindi maaali
