"Forget it!" matalim na pahayag ni Killian na pumutol sa pagtatalo sa isip ko.
"Bukas darating si Lola," masungit nitong pagpapatuloy. "Magsisimula na ang trabaho mo."
Inirapan ko ito at matapang na humakbang palapit kay Killua habang hindi hinihiwalay ang matalim na tingin dito.
"Tayo na!" nakasimangot kong aya sa kanila nang tumapat na ako kay Killua.
Walang komento namang nagpatuloy sa paglalakad si Killua habang nakaagapay na ako sa kanya. Pilit kong binabalewala ang presensya ni Killian na kasabayan din namin.
Ilang sandali pa at nasa tapat na kami ng isang silid. Pinauna kong pumasok si Killua bago ako sumunod sa kanya. Hindi ko alam kung sadyang mabagal lang kilos ko o ano pero ramdam kong direktang nakasunod sa likuran ko si Killian.
Sa sobrang lapit nito sa'kin ay nalalangh
