HANNA’s POV
Pumasok ako ngayon sa school. Si Gino ang naghatid sa akin kanina. Nag-drive thru lang din kami sa fast-food chain dahil pareho kaming tinanghali ng gising. Isa pa, kahit maaga akong magising, hindi naman din ako makakapagluto dahil isang kamay ko lamang ang naigagalaw ko nang maayos.
Hindi ko na rin naman inasahan na gigising siya nang maaga dahil alas tres ng madaling araw na siya umuwi. Base iyon sa chat niya sa akin na kaninang umaga ko lamang din nabasa.
May chat kasi siya kung saan nagsabi siya na pauwi na siya at 3:05 A.M ang nakita kong oras no’n. At bago siya umalis kanina matapos niya akong ihatid, nagbilin din siyang susunduin niya ako sa pag-uwi.
“Hanna, pinatatawag ka ni Ma’am Minzy.” Pareho kaming napalingon ni Kim sa pintuan ng classroom namin nang marinig n
