LAXUS' POV
Nandito kami ngayon sa pinakamatandang aklatan sa buong kaharian ng Safre. Hindi ko alam kung ano ba talaga ang eksaktong hinahanap namin pero makikita sa bawat isa sa amin ang tensyon.
"May nahanap na ba kayo?" Gusto kong matawa sa tanong ni Yuwi sa hindi ko alam na dahilan.
"Ano ba kasi ang hinahanap natin dito?" Halos magkasabay na tanong ng dalawang babae namin na kasama. Si Nicole at Aryana.
"Oo nga naman. Ano nga ba ang hinahanap natin dito?" segunda ko. Buti na lang naunahan ako ng dalawang babae.
"Pinakamatandang libro?" Sagot ni Nyx na naging tanong din.
"Paano naman natin malalaman na 'yon na nga ang pinakamatandang libro rito?" natatawang tanong ni Chris. Tama nga naman siya. Dahil sa ito ang pinakamatandang silid-aklatan, nandito lahat ang mga sinauna at m
