IRIS' POV
AGAD kong hinarap si Skevesh at sinalubong ang pag-atake n'ya. Mabilis kong hinawakan ang braso at balikat n'ya sabay balibag sa isang malaking puno. Dahil sa lakas ng pagkakahagis ko sa kalaban ay nabuwal pa ang puno.
"'Yan lang ba ang kaya mong gawin?" nang-uuyam na tanong sa akin ni Skevesh dahil sa agarang pagtayo nito.
"'Wag kang mag-alala, nagsisimula pa lang ako!" nakangisi kong sagot dito.
"Hindi ka sana mahihirapan ngayon kung tinanggap mo lang ang pakikipag-alyansa ko sa iyo."
"Pakikipag-alyansa? Hindi 'yon ang nakikita kong gusto mo, Skevesh! Alam nating pareho na gusto mo akong maging sunud-sunuran sa mga kagustuhan mo!"
Pumailanlang ang halakhak ng hari sa paligid kaya nakaramdam ako ng pagkabagot!
Bago pa ito makakilos ay agad ko itong inasinta ng pana ko a
