Isang mistisuhing lalaki ang bumaba sa sasakyan kasunod nang kotse ni Tito Baste nang bumalik ito. Malapad ang ngiti nito sa mga labi habang inililibot ang tingin sa buong lugar. Hindi pamilyar sa akin ang mukha niya. Mukha siyang hindi Pinoy dahil medyo namumula pa ang mukha nito sa kaputian.
Nang magtama ang mga mata namin ay matamis na ngumiti ito sa akin. Mga nasa kasing edad na rin ito ni Tito Baste. Baka kaibigan niya.
"Is it her?" tanong nito kay Tito habang itinuturo ako. Nasa mukha nito ang hindi makapaniwala nang makita ako.
Nasa may beranda kasi ako nang dumating sila at tinatanggalan ko nang mga tuyong dahon ang mga halamang naka-display doon. Sa sobrang bored ko ay tinulungan ko na si Kuya Elias sa mga gawain niya na alam ko naman na hindi ako mapapagod.
"Yes, si Victoria,
