FIVE YEARS LATER
“Anak, sigurado kaba na tatanggapin mo ang trabahong iyan? Balita ko ay mainitin ang ulo ng binatang iyan matapos mamatayan ng asawa't anak,” nag-aalalang wika ni inay.
Pinagmasdan ko siya kung paano dumaan ang sobrang pag-aalala sa mukha niya habang tinutulungan akong makapag-empake. Napabuga na lang ako ng hininga dahil gusto ko man silang samahan nalang dito ngunit hindi ko magawa. Kailangan ni itay ng pera sa pagpapagamot niya. Maswerte na lang ako dahil pinagbigyan nila ako na ako na lang ang kuhanin bilang katulong. Malaki ang sahod dahil all around pala ang trabaho ko. Balita ko rin na mainitin ang ulo ng magiging amo ko pero para kina itay at inay ay titiisin ko 'yun.
“Inay, maayos lang ako doon. Ako pa ba? Walang makakapag-alipusta sa akin lalo na't ganito ang
