Hindi ko na hinintay pa si Alejandro na makauwi dahil may meeting pa daw ito ayon sa sekretarya niya kaya ako na lang mag-isa ang pupunta ng party. Suot-suot ko na rin ang bagong design ni Berna, hinatid niya ito kanina lamang. Malaki ang pagkakangiti ko ng masulyapan ang kabuo-an ko sa harapan ng salamin. Dress ito na hapit sa baywang ko, kita din ang buong likod ko at mas lalong pinalabas ng damit na ‘to ang maganda kong collarbone ang cleavage ko.
Wala akong nilagay na iba sa mukha ko kung hindi ang pulang lipstick lamang. Inulagay ko lang din ang mahaba at alon-alon kong buhok na mas lalong nagpapaganda sa akin. Alam ko na magagalit si Alejandro kapag nakita niya ang ayos ko at nalaman niyang umalis na naman ako ng wala siya. Ngunit bibilisan ko lamang at uuwi din ako agad dahil ayok
