"Mommy...?" may pagtatakang gumuhit sa mukha ni Lovelyn, ang alam niya nasa office siya ng asawa at naghahamon ng hiwalayan.
Pero bakit ngayon kaharap niya ang Mommy Vanessa, nakatunghay habang nakahiga siya sa isang kama. Masaya pang nakangiti habang hinahaplos ang buhok niya. Wala naman sinasabi subalit masaya lamang nakatitig habang tila humuhuni pa ng kanta. Lalo pa siyang inaantok sa maganda nitong boses kaya lumalim ang tulog niya.
"Matulog ka lang anak, paggising mo gagaan na ang pakiramdam mo," mahina nitong bulong na tila napakalalim. Tumango naman si Lovelyn nakakahawa ang masayang ngiti ng Mommy Vanessa niya. Kaya naman nagtuloy-tuloy ang mahimbing n'yang tulog.
Unti-unti niyang binuksan ang mata bumungad ang puting kisame sa paningin niya. 'Panaginip pala iyon' sobrang tahim
