Buong akala ko ay sa isang five star hotel kami dederetso ni Roiden. I thought mag ch-check in kami sa isa sa mga hotel ng lalawigan. Pero sa isang may katamtamang laki at puting bahay kami nagtungo.
"Kaninong rest house ito?" tanong ko habang pinapanuod siyang binubuksan ang may pinturang puti at gawa sa kahoy na gate. Ang maliit na gate na iyon ay halatang sinadyang pagapangan ng mga pulang bulaklak kaya napakaganda nitong tingnan.
"Mine," Nakangisi akong nilingon ni Roiden nang sagutin niya ang tanong ko.
Namilog ang mga mata ko. Sa kan'ya itong rest house na ito?
"Seryoso ka ba d'yan?"
"Ah huh!" tugon niya. Binuksan niya ang gate at agad siyang pumasok roon bitbit ang kan'yang maleta at ang akin. Malawak ang bakuran. Gawa naman sa mapuputi at maliliit na bato ang may ilang dipang
