Para sa akin ay ayos lang na hindi ko tunay na anak si Elio. Sa halos dalawang taong nasa puder ko siya ay minahal ko siya na parang tunay kong anak. Pero ngayong nakikita kong inalagaan ni Roiden si Elio ay parang hinahaplos ang puso ko. Sobra ang pagmamahal niya sa akin na nakakaya niyang mahalin ang mga taong mahal ko.
Isang linggo pa lamang mula nang nakapag-usap kami ng masinsinan ni Roiden at siyempre ay nagkaaminan ulit ng feelings. Sa bahay ko siya pansamantalang tumitira at kasama namin si Elio. Wala pang nakakaalam sa muling relasyon namin ni Roiden maliban kina Lumina at Dwayne at kina Tita Alice at Tito Albert. Hindi ko alam pero parang takot sina tita at tito kay Roiden.
Nasabi nga ni Roiden sa akin na ibenenta raw ako ni Rick. Nang hiningi kong ikwento niya ang buong pangya
