“Nahanap mo na ba ang bata na ‘yon?”
Hindi ko alam kung sino ang bata na tinutukoy ni Raul. Ako ba ang tinutukoy niya? “Hindi ko na siya hinanap pa. Wala akong balita kung saan siya nagpunta noong umalis siya sa probinsiya. Simula no’n ay hindi ko na siya nahanap pa. Sinubukan kong alamin kung buhay pa ba siya o hindi na, ngunit lumipas na ang ilang taon ay hindi ko pa rin alam kung nasaan siya. Wala ring mga record sa mga paaralan sa buong bansa na mayroon ang pangalan at itsura niya.”
Ibig sabihin ay ako nga ang pinag-uusapan nila ngayon. Sinubukan akong hanapin ni Benjamin? Bakit? Para saan? Bakit niya ako hinahanap? Dahil ba hindi ako nagawang mapatay noon ni Raul?
“Ano ba ang tulong na kailangan mo sa akin? Ano ang kinalaman ng bata na ‘yon sa maitutulong ko sa ‘yo?” tanong muli
