Sinuri ko ang kabuuan ng kwarto, ngunit hindi ko malaman kung saan posibleng lumabas ang kriminal na gumawa nito sa apat na lalaking nakaratay sa sahig. Maliit lang din ang dalawang bintana at para bang hindi kasya roon ang isang tao. Napapaisip na ako ngayon kung nagpatayan ba sila o hindi. Tiningnan ko rin kung sino ang hindi masiyadong napuruhan, ngunit lahat sila ay malala ang pinsalang naranasan.
"Ano na ba ang nangyari d'yan?" narinig ko ang boses ni Paige na pumasok sa loob ng locker room. Mabilis naman ako na naglakad papunta sa pinto, ngunit mabilis pala siyang nakapasok na mismo sa loob.
"Huwag ka munang pumasok--"
"Nagtataka na ang manager ng gym kung bakit-- TANGINAA!!"
Mabilis siyang napatakip sa kaniyang mga mata at tinalikuran ang mga bangkay na nakita niya. Kita ko a
