"Na-review niyo na ba kung sino-sino ang mga pumasok sa loob ng locker room sa loob ng isang linggo hanggang kanina?" tanong ni Benjamin kina Zephyr. "Tapos na naming tingnan ang lahat, wala naman pong natitira na mga customers sa loob. Tapos kanina naman ay ang may-ari lang ng gym ang pumasok sa loob bago magbukas ang gym. Simula no'n ay wala pang mga customer na pumasok sa loob, hanggang sa ang apat na lalaki na ang pumasok," paliwanag ni Zeph sa kaniya.
"Walker, nakakita ka na ba ng mga CCTV sa malapit sa likurang bahagi ng gym?"
"Hindi ako nakakita. Malalayo ang mga CCTV doon. Lalo na at ilog na talaga ang nasa likurang bahagi ng gym, kaya walang mag-iisip na maglagay doon ng camera."
Napahilot naman sa sentido si Benjamin habang nakatitig pa rin siya sa litrato ng mga bangkay ka
