Hindi na namin siya hinabol pa nang tumakbo na siya palayo. Inalalayan ko naman si Benjamin nang makita kong nagdurugo na ang kaniyang sugat na nasaksak. “Kailangan mo nang madala sa ospital,” sambit ko. Ayoko man na tulungan siya, pero pakiramdam ko ay kailangan ko na ngayong malaman kung ano ang dahilan niya noon.
“Hindi na kailangan. Hindi naman niya naibaon ng ayos. Kunin mo na lang ang first aid kit ko roon,” utos pa niya sa akin. Mabilis ko naman na sinunod ang kaniyang utos. Kinuha ko ang first aid kit saka siya nilapitan. Pinunit na niya ang kaniyang suot na damit kaya nakita ko ang saksak sa kaniyang tagiliran. Mabilis ko naman na inayos ang mga gagamitin ko pang gamot sa kaniya. Mabuti na lang at marunong din akong mag-gamot. Napag-aralan na namin ito noong nag-aaral pa lang ka
