Hindi niya alam kung natatawa siya o maaawa sa kaibigan niyang si Bubbles, nabulunan kasi ito sa sobrang katakawan at gutom. Kasalukoyan silang nasa loob ng isang karinderya—karinderya na madalas nilang kainan, regular customer na sila ni Bubbles dito simula noong umuusbong pa lang ang kaniyang negosyo.
"Pft...bakit ba kasi hindi ka nagdadahan-dahan?" kagat labi at nagpipigil tawa niyang tanong dito.
Sinamaan naman siya nito ng tingin at inisang lagok ang malamig na tubig sa baso. "Anong magagawa ko? Kanina pa kumakalam ang sikmura ko, lalo pa akobg nagutom nang dahil sa sama ng ugali ng pinsan mo." wika nito at tinuro siya ng tinidor.
Napailing na lamang siya dahil hindi pa rin nawaglit sa isip nito ang naging reaksyon, at pagbati ng kaniya Kuya Fane kanina. Mukhang may mortal enemy na
