Maga man ang mga mata, napagdesisyunan pa rin ni Krista na magtungo sa pastry shop niya. Siguro'y ilalabas niya na lang ang frustration na nararamdaman sa paggawa ng cake at pastries, sa gano'ng paraan ay gagaan ang kaniyang pakiramdam.
"Magandang morning sa maganda naming boss," May malawak na ngiti sa labing pagbati sa kaniya ni Bubbles.
Umarko ang kaniyang kilay nang dahil doon, blooming ata ang isang 'to? Anyare? Okay na kaya ang kapamilya nitong nasa ospital? Mabuti naman kung gano'n.
"Good morning Bubbles," Bati niya pabalik habang may munting ngiti sa labi.
Awtomatiko namang umarko ay kilay nito ay siya'y tiningnan mula paa hanggang ulo, wala sa sariling napalunok siya ng mariin nang dahil sa ginawa nito.
"B-bakit ganiyan ka makatingin?" Utal niyang tanong dito. "May problema
