"MANG Elias?" Hindi magawang maihakbang ni Elias ang kaniyang mga paa. Napapikit siya sa pagkadismaya sa sarili.
Napakat*nga mo talaga, Elias! Hindi naman kasi niya napaghandaan ang ganoong sitwasyon kaya naman wala na siyang magagawa kundi harapin ang binata. Ayaw man niyang makaharap o makausap ito ay naipit na siya ng sitwasyon.
"Mang Elias, ano pong ginagawa n'yo rito?" tanong ni Chad nang tuluyan na itong makalapit sa kaniya. Dahan-dahan siyang tumalikod para humarap sa binata. Bakas sa mukha ni Chad ang pagtataka nang makita niya si Elias. Buong akala kasi nito ay hindi na sila magkikita pa subalit iyon na nga . . . magkaharap na sila.
Napakamot si Elias ng ulo nang magkaharap sila. Hindi mapagkakailang mag-ama nga an
