Maingay na paligid. Malansang amoy. Masikip na daan. Iyan ngayon ang mga bagay na tinitiis ni Elias sa araw-araw simula nang iwan niya ang kabundukan at bumalik sa kapatagan para mamuhay nang simple. Hindi naman niya inaalintana ang ganoong sitwasyong kinasasadlaka. Sa totoo lang, mas gusto niya ang ganoong pamumuhay kumpara sa nakaraan niya.
Habang nakikipagbakbakan sa pagbebenta ang iba, si Elias naman ay abala sa mga suki niya. Hindi mapagkakailang mabenta ang mga isdang itinitinda niya sa palengke kumpara sa ibang nasa puwesto roon. Kaya naman hindi maiiwasang kainggitan siya ng ibang mga tindero at tindera sa palengke kung saan siya nagtitinda.
"O, mga suki! Bili na kayo! Sariwang isda ito!" Panay ang sigaw niya na nakakatawag-pansin naman sa
