“ANDREA!”
Sinundan ni Chad ang dalaga kung saan ito nagpunta. Sa pagkakaalam naman nito ay hindi naman lumalayo ang dalaga sa lugar na iyon. Kanina pa niya tinatawag ang pangalan nito subalit walang tugon na kahit na ano siyang naririnig. Inikot na nito ang buong lugar ngunit hindi pa rin niya natagpuan ang dalaga.
“Nasaan ka na ba?” Hindi na mapakali ang binata. Mabuti na lang talaga at wala roon si Eliza kung kaya’t malaya niyang naikot ang kabuuan ng resort. Kasalukuyan kasi itong naliligo mag-isa sa dagat. Inaya naman siya ni Eliza pero tinanggihan niya ito at sinabing mamaya na lang.
Sa kanyang paghahanap ay natagpuan niya sa buhangin ang isang relong pambisig. Mukhang nalaglag ito nang hindi sinadya sa lugar na iyon. Ngunit ang ipinagtataka ng binata ay paano nagkaroon ng bagay n
