Thylane
Ano ang ginagawa niya rito?
Paano niya nalaman ang bahay ko? At papaano ito nakarating dito nang ganito ang lagay niya, lasing? O baka naglalasing-lasingan lamang?
Iyan ang mga tanong na kanina pa umiikot sa isipan ko mula nang makita ko itong natutulog sa sofa sa sala.
Ilang araw kaming hindi nagkita tapos ganito pa ang madadatnan ko?
Nakakainis lang dahil sirang-sira ang tulog ko. Napapagod pa naman ako. Hindi naman na ako makatulog ulit dahil namomroblema ako sa lalaking pangahas na ito.
Tila kasi may sinat ito.
Ayokong mainis lalo rito dahil may parte sa akin na naaawa sa lagay niya, at saka binigyan niya pa ako ng food noong gabing gutom na gutom ako, pero talaga naman kasing nakakainis ito dahil natakot ako nang husto kanina. Tinakot niya ako. Naabala pa ang oras n
