Thylane
Ilang araw na ang lumipas matapos ang tagpong iyon. Hindi na nagpakita pa sa akin si Steve kaya medyo napanatag ang isip ko. May kaunting konsensiya ngunit hinahayaan ko na lamang.
Sa isang araw na natira para sa bakasiyon namin ay nanatili lamang ako sa loob ng room namin at hindi na tinangka pang lumabas. Nagdahilan ako na napapagod na akong gumala kaya sina Mommy at Daddy na lamang ang lumabas at nagdate, iyon naman ang nais nila palagi, ang magkasamang dalawa at magligawan na tila ba mga dalaga’t binata pa sila.
Natulog lamang ako nang natulog noon para hindi mabagot sa loob...
Binalingan ko ng tingin ang suot kong uniporme para sa papasukan kong trabaho ngayon. Isa iyong skirt na kulay itim at blouse na puti. Pinaresan ng heels at... okay na!
Napangiti ako sa harap ng
