Thylane
“Ano ba ang nangyari sa tatay mo?”
Iyan ang ibinungad sa akin ng aking ina pagpasok ko sa bahay. Nauna kasi sa akin si Dad kaya naman ito ang unang nabungaran ni Mommy.
Bumakas ang pag-aalala sa mukha ko habang nakatingin dito. “Nag-usap ho sila ni Steve kanina. Nagkainitan,” mahina kong tugon na pinagtatakpan ang totoong nangyari. Hindi ko kasi alam kung ano ang dapat kong sabihin sa mga oras na iyon dahil maging ako man ay hindi makapag-isip nang maayos. Napabuntong hininga ito.
“Mom, pinag-eempake ako ni Dad,” dagdag kong sumbong, dahilan upang mapakunot ang noo nito.
“Ha? Empake? Ano na naman ang naisip n’yon?” Napatingala ito sa ikalawang palapag, saka napailing-iling. “Teka, kakausapin ko lang. Baka kung ano na naman ang binabalak n’yon,” nagmamadaling anito at tumak
