Sa harap ng salamin ay mariin kong pinagmamasdan ang pilat sa aking tiyan. Ngayon ay hilom na ito sa labas ngunit sa loob ay dama ko pa rin ang paminsan minsan na kirot. Kaya hindi pa rin ako pinapayagan ni Samuel na kumilos, lalo na ang magbuhat kay Sabina. Sabina now is six months old, ang bilis ng panahon! Anim na buwan na rin sana si Sam ngayon, nakakalungkot na hindi ko man lang nakita ang paglaki nito. Pero sabi nga may mga bagay talagang hindi natin kayang ipaliwanag kung bakit nangyayari. Masakit man mawalan ng isang anak, ngunit kailangan kong tanggapin at magpatuloy pa rin sa buhay dahil may isang bata pa na kailangan din ng pagmamahal at kalinga ko. Marahan kong hinaplos tahi sa aking tiyan na tanda ng pagiging ina ko, pilat na kahit humilom man ay hindi na mabubura magpakailanm
