"YOU'RE Late!" Nakapamaywang na salubong ni Khaira sa binatang humahangos na papalapit sa kanya. Napahawak pa ito sa mga tuhod nang makalapit at hingal na hingal pero inirapan niya lang ito. Late is late. Hinahabol pa nito ang hininga kaya hindi pa siya sinasagot. Ilang beses nitong binalak magsalita pero hingal na hingal talaga. "Where have you been, kasi? You have driver naman, ah," nagtataka na niyang tanong. Kahit inis siya ay kinuha niya ang dalang tumbler na may tubig. "Here, drink water."
Kinuha nito ang tumbler sa kanya saka diretsong uminom. Uhaw na uhaw lang. Nang matapos ito ay pabagsak na umupo, inilapag ang tumbler niya saka itinukod ang mga kamay patalikod dito kaya mukhang nakahiga ang kalahating katawan nito.
"Whoa! That was so close!" sigaw nito na ngayon ay natatawa na.
