PAKIRAMDAM ni Fatima ay hindi niya na kayang humakbang. Pero bago siya tuluyang makarating sa garden set, naramdaman niyang matutumba siya. Ngunit hindi niya inaasahang sa dalawang mga bisig siya babagsak kasabay ng pagbagsak ng hawak na kopita sa damuhan.
Nagmulat siya at pilit na inaninaw ang mukha ng lalaking sumalo sa katawan niya. Pero dahil bahagyang madilim sa lugar na iyon, hindi niya ito makilala bagama’t nakasisiguro siya na lalaki ito.
Nagpumilit siyang makawala mula sa pagkakayakap nito. She thought at first it was Kier. Pero nabigla siya nang masigurong hindi ito ang kanyang asawa. Kahit groggy na siya, nagawa pa rin niyang matitigan nang husto ang mukha nito.
"S-sino ka?" tanong niya rito habang tutop ang kanyang noo.
Sa munting liwanag na ibinibigay ng mga lamp post sa p
