Kumunot ang noo ni Vita ng makita ang isang bouquet ng bulaklak sa mesa niya. Naningkit ang mga mata niyang kinuha ito. Sumama ang mukha niya sa isiping galing ito kay Jeremy. Ilang araw na simula ng makilala ni Jeremy ang anak nila ay halos araw-araw na din siya may natatanggap na bulaklak.
“Galing na naman ba ‘yan kay Jelo, Manager?” tanong ni Layla habang tinitingnan ng kabuohan ang bulaklak. “Ang ganda. Ang sweet niyang bata, ah,” komento nito.
Hinanap niya ang card nito dahil palagi naman na may card itong kasama, pero nagtaka siya ng wala siyang makita. Hinanap pa niya ng maigi dahil baka nasa sulok lang, pero wala talaga, eh.
“Yeah,” sagot na lang niya dito.
Baka kasi kapag sinabi niyang hindi ito galing kay Jelo ay magtanong nang magtanong ito kung kanino galing. Ma
