“Aalis ka na ba talaga, Kuya Jelo?” Halos maiyak na si Jeremiah dahil ayaw nitong pauwiin si Jelo. Mahigpit ang hawak nito sa damit ng bata. Ayaw talaga nitong pakawalan.
“Little Je, kailangan ng umuwi ni Kuya Je mo. Baka mag-alala sa kanya ang daddy niya kapag hindi mo pa siya pinauwi,” pag-e-explain niya sa anak.
“Waaahh… Kuya Je.” Niyakap nito si Jelo saka tuluyan nang umiyak.
Napasapo si Vita sa kanyang noo. Hindi niya inaasahan na magiging ganito kadali na ma-attach ang kanyang anak kay Jelo. Niyakap naman ito ni Jelo saka pilit na pinapatahan.
“Don’t cry, little Je. Babalik din naman ako, eh.”
Tumingala ito kay Jelo habang may luhang pumapatak sa mga mata. “Talaga?”
Pinunasan nito ang pisngi ng kapatid saka ngumiti. “Oo naman. Hindi pwedeng hindi bumalik si Ku
