"Dad, gusto ko sumakay do'n!" Turo ni Jeremiah sa isang ride.
Nandito kasi silang buong pamilya sa isang amusement park. Dinala sila ni Jeremy dito para ma-enjoy nila ang mga panahon na magkasama sila. Gusto din kasing bumawi ng binata sa kanila. Gusto nitong mapasaya silang tatlo ng mga bata. Natutuwa naman siya dahil nakikita niya talaga sa binata na ginagawa nito ang lahat para sa kanila.
"Tapos doon din, Dad." Turo na naman nito sa isa pang-ride. "Tapos doon din po. Ah, basta! Lahat, Dad, sakyan natin. Gusto kong sakyan lahat ng mga rides dito," magiliw nitong sabi.
Natatawa na lang si Jeremy habang hawak ang anak. Nakikita nito sa mukha ng anak ang saya ngayon at natutuwa siya. Totoo nga ang sabi ng iba, na magiging masaya ka kapag nakita mong masaya din ang mga anak mo. Kal
