Maagang dumalaw si Mona sa hospital. Bumili siya ng mga prutas para sa kanyang ate. Marami siyang binili na grapes dahil paborito iyon ng ate niya. Nang makarating siya sa harap ng kwarto nito ay hindi muna siya pumasok. Huminga siya ng malalim. Ito na naman kasi, eh. Makikita na naman niya ang kanyang kapatid sa ganoong sitwasyon.
Alam niyang nahihirapan na ito, pero ayaw niya itong bitawan. Iniisip niya na kung bibitawan niya ito ay paano na lang siya? Sino na ang makakasama niya? Yon ang mga tanong na palaging nasa isip niya na kahit kailan ay hindi niya masagot-sagot.
Tumingala siya sa taas saka huminga ng malalim. Gusto na naman kasi kumawala ng kanyang luha. Ilang beses siyang huminga ng malalim para hindi matuloy ang mga luha niya. Ayaw niyang makita siya ng kapatid na umiiy
