Napatingin si Monte sa paligid ng bahay ni Mona. Isa itong maliit na bahay. Hindi man gano’n kalakihan ang bahay nila ni Vita ay mas maliit ito kung ikukumpara. Napatingin siya sa mga damit na nasa upuan. Masyadong makalat ang bahay nito. Mukhang tama nga ang sinasabi ng ate nito na hindi na ito nagpapahinga para lang magtrabaho.
Halatang walang oras ang nakatira dito para maglinis. Napaisip tuloy siya. Kung wala itong oras na maglinis sa bahay nito ay mas lalo itong walang oras para magpahinga. Hindi naman gano’n kakalat ang bahay nito, malinis naman ang paligid nito, ang sahig. Sadyang may mga damit lang na nagkalat sa upuan nito, mga hindi pa natupi. Tapos may mga gamit na nakakalat sa paligid.
Napatingin siya sa kwarto na pinasukan nito kanina. Tanging kurtina lang ang nagsisi
