Pakiramdam ko ay bumabakas ngayon sa mukha ni Thalia ang gulat kaya bahagya siyang natahimik. Nakita ko si Eury na marahil ay hinahanap ang dalawa kaya umalis na ako doon. Hindi pala nila alam na uminom si Wren ng Memorica Syrup. Ibig sabihin, si Seven lang ang nakaka-alam. Binalikan ko si Zy na kalalabas lang din ng gym. Nakita ko na nakikipag-kamay si Wren sa director sa loob.
"Saan ka ba pumunta?" bungad na tanong sa akin ni Zy pagkalapit ko sa kanya, "Anong sabi ng director?" tanong ko pabalik, "Sa isang linggo daw may panibago ulit na academic competition ngunit ibang set naman ng mga estudyante ang lalaban mula sa class one at class eight. Tuwang-tuwa nga siya ngayon kay Wren dahil nag-improve daw siya sabi ng mga teacher ng class one. Nangunguna daw lagi si Treyton pero ngayon ay n
