Maayos na ang pakiramdam ko ngayon. Medyo masakit pa rin ang tama ng bala sa katawan ko pero kahit papaano ay umayos na ang pakiramdam ko. Pwede na din makalabas ngayon ang mga estudyante dahil normal na sila. Naisipan nila Seven na kausapin muna silang lahat kaya hiniram namin ang isang malawak na conference room sa hospital.
Nang makapasok kami doon ay nakita naming naka-upo na sa loob ang mga estudyante at hinihintay na lang kami. Nagpunta kami sa harapan nila saka namin sila binati.
“Kamusta na ang pakiramdam niyo? May nararamdaman pa ba kayong kakaiba?” tanong ni Eury sa kanila. Tumayo ang isang estudyante. Hindi ako pamilyar sa kaniya pero mukhang kilala siya ni Seven.
“Do you want to say something, Kyla?” tanong ni Seven dito. “Oh, by the way she was the representative of class f
