Napabangon ako sa kama nang bumalik sa alaala ko ang pangyayari na 'yon noon. Tatlong taon na ang nakakalipas, tama ako dahil siya nga ang lalaki na nakakita sa akin kung saan ko tinago ang XXX 88 vaccine. Kaya pala pamilyar rin sa akin ang itsura niya. Pero bakit kailangan niyang kuhain ngayon ang syringe na 'yon?
Naguguluhan na naman ako ngayon lalo na't wala akong maisip na rason para masangkot siya sa nangyayari sa amin ngayon. Sino ba ang babae na kasama rin nila? O baka gumamit lang talaga si Haime ng mga inosenteng tao at ginamitan niya ng potensyal para mapasunod niya ang mga ito. Isa lang din 'yang posibilidad na pwedeng rason. Nilingon ko ang orasan sa gilid ko at nakitang ala-singko na ng umaga. Nakaramdam ako ng uhaw kaya naghilamos muna ako sa banyo saka lumabas ng kwarto ko
