Hindi maintindihan ni Olivia ang nararamdaman niya matapos umalis ni Bianca. Pinipigilan niya lamang ang sarili, kahit pa gusto na sana niyang patulan si Bianca kanina. Alam niya kung bakit pumunta si Bianca—dahil kay Dave. May tiwala naman siya kay Dave; pagkatapos ng lahat ng nangyari, ngayon pa ba siya susuko at hindi maniniwala rito? Isa pa, ipinaliwanag na ni Dave ang tunay na relasyon nito kay Bianca.
Nakakapagtaka kung paano nalaman ni Bianca kung saan sila nakatira ni Dave, lalo pa’t halos kakaalis lang ni Dave nang dumating ito.
Ayaw niyang magkamali sa pagpili at pagsunod sa puso niya nang piliin si Dave. Pinaparamdam naman sa kanya ni Dave kung gaano siya nito kamahal; walang duda iyon. Kaya bakit kailangan niyang maniwala sa mga sinabi ni Bianca at masaktan? Hindi siya dapat
