"SAYANG lang ang binabayad ko sa iyo kung wala ka namang nagagawa. Alam mo naman kung bakit ka napunta rito sa Pilipinas, hindi ba? Kailangan mong paghiwalayin sina Dave at Olivia, Bianca!" Galit na sigaw ng ina ni Dave, na ikinaiinis niya.
"Hindi mo na kailangang ipaalala sa akin dahil alam ko naman ang gagawin ko. Saka, hindi ko alam na may gusto pala si Dave kay Olivia. Kung sinabi mo sana agad, sana alam ko… Ang sabi mo lang naman sa akin ay akitin ko si Dave at layuan ang bahay ninyo, 'di ba?" pagdadahilan niya.
"Huwag mo na akong sisihin… Hindi ko rin alam. Gawin mo na lang ang inuutos ko… Ite-text ko sa iyo ang address kung saan sila nagkikita. Kung kailangan mong guluhin sila, gawin mo. Wala akong pakialam."
"Ang hindi ko maintindihan ay kung bakit hindi mo na lang sila hayaan.
