"BAKIT kailangan mag-usap kayo ni Dave at pinaalis niya pa ako sa kwarto mo?" tanong sa kanya ni Dimitri. Lulan na siya sa sasakyan nito at papunta na sila ng Maynila.
"Ha?" tanong niya kay Dimitri..."Hindi ka na nasanay kay Dave. Sinabi niya lang naman na mag-ingat daw ako at matutong tumanggi sa mga nangyayari," pagsisinungaling niya pa.
"Bakit kailangan niyang sabihin 'yun sayo?" tanong pa ni Dimitri sa kanya.
"Hindi ko alam. Nang una ay pinipilit niya ako na 'wag sumama sayo dahil hindi naman daw ako kailangan sa Maynila."
"Mabuti naman at hindi ka nagpapigil sa kanya?"
"Hindi... Isa pa ito ang utos ni Mama at Papa. Ayokong isipin nila na hindi ako sumusunod sa kanila. Isa pa, bakasyon pa naman. Kapag may trabaho na ako ay hindi ko na magagawang sundin ang gusto nila. Maliit na ba
