Nagtatrabaho si Dave sa klinika, pero ang isip niya ay nasa pag-uusap nila ng kanyang ina kanina. Nasasaktan pa rin siya sa mga sinabi nito, lalo na’t itinuring niya naman itong ina. Ang masakit pa, ipinagkakait nito sa kanya ang tunay niyang ina, kahit alam niyang may alam ito.
Natigilan siya sa pagsusulat ng reseta nang makilala niya ang nasa harapan niya: si Yaya Lydia, ang nagpalaki sa kanyang kapatid na si Dimitri. Hindi niya alam kung bakit umalis ito ng mansyon; parang bigla na lang itong naglaho.
“Yaya Lydia?” gulat na gulat niyang tanong. Ngumiti sa kanya ang matanda—ngiting pakiramdam niya’y may halong lungkot. “Kumusta na po kayo? Ang tagal ko na po kayong hindi nakita.”
“Mabuti naman at nakikilala mo pa ako,” sagot ni Yaya Lydia.
“Bakit naman hindi ko kayo makikilala? Lumip
