Nagulat si Dimitri nang makamltanggap siya ng tawag mula sa kanyang ina. Hindi niya inaasahang tatawag ito, lalo na't hindi maganda ang kanilang huling pag-uusap.
“Ano’ng kailangan mo? At bakit mo ako tinawagan? Akala ko ayaw mo nang makipag-usap o makipagkita sa akin,” tanong niya sa ina sa kabilang linya.
“Kausapin mo si Dave. Sabihin mo sa kanya na itigil na niya ang paghahanap sa kanyang ina dahil hindi na niya ito makikita pa,” utos ng kanyang ina.
“At bakit ko naman gagawin iyon? Ayokong maging madamot kay Dave, lalo na’t buong buhay niya ay hindi niya naramdaman ang pagmamahal natin. Baka sakaling kapag nakita niya ang tunay niyang ina ay mabuo na ang kanyang pagkatao.”
“Hindi ka ba talaga nakikinig sa akin? Ang sabi ko ay pigilan mo siya sa kanyang ginagawa!”
Napakunot ang noo
