Nakatihaya nang higa si Theo sa ibabaw ng kama. Nangingiti ang kanyang bibig habang nakatitig ang mga mata niya sa kisame. Buong maghapon siyang nagtrabaho pero ang gaan-gaan ng kanyang pakiramdam at mistulang wala lang sa kanya ang pagod na dulot ng trabahong ginawa sa opisina.
Tumatakbo sa isipan ni Theo ang halikan nila ni Ronnie. Kung dati ay naiinis siya sa mga nararamdaman niyang kakaiba, ngayon ay nagdudulot ito ng saya na gustong-gusto niya. Hindi pa rin niya maintindihan ang sarili pero ang siguradong intinding-intindi ng utak niya ay si Ronnie ang siyang nagdudulot ng sayang nararamdaman sa kanyang kalooban.
Lumaki ang ngiting nakasilay sa labi ni Theo. ‘Tsk! Nakakawala ka ng sarili, Ronnie,’ wika niya sa kanyang isipan.
Iyon ang nararamdaman ni Theo, nawawala siya sa sarili s
