Muling dumalaw sila Paulo at Ruru kay Theo. Nasa living room sila ng bahay. Nakaupo sa single sofa si Theo habang magkatabi namang nakaupo sina Paulo at Ruru sa mahabang sofa. Wala ngayon sina Sofia at Theodore dahil pumunta ang mga ito sa palengke para mamili ng mga gagamitin at kakainin nila sa tanghalian. Susunod sana si Theo sa kanila ngunit biglaan namang dumating ang dalawa kaya hindi na rin siya nakaalis ng bahay para maasikaso niya ang mga bisita na kaibigan niya.
Kanina pa tahimik ang tatlo kaya nakakabingi ang katahimikan sa loob ng bahay. Nakatingin lamang si Theo sa mga kaibigang dumating habang nakatitig naman sa kanya ang dalawa.
Lumipas ang mga minuto ay huminga nang malalim si Paulo. Sandali siyang nagbaba ng kanyang tingin saka muli ring tiningnan si Theo.
“Hanggang nga
