Kanina pa nagwawalis ng sahig si Theo. Natapos na siyang magpunas ng mga gamit sa loob ng bahay kaya naman tagaktak na rin ng pawis ang kanyang noo at buong katawan na ngayon ay walang saplot ang itaas na bahagi at tanging jersey short lamang ang suot sa pang-ibaba. Nakatali ang kanyang buhok pataas para hindi rin maharangan ang kanyang mukha at maging magaan kahit papaano ang kanyang pakiramdam dahil sa totoo lang ay init na init siya dahil ang init ng panahon.
Habang patuloy pa rin na nagwawalis si Theo ay bumababa naman ng hagdanan si Sofia. Kakapatulog lamang niya kay Theodore ngayong hapon para makapagpahinga ito matapos maglaro.
Napahinto sa pagbaba si Sofia nang makita niya si Theo na may hawak na walis at abalang nagwawalis ng sahig. Nakita niyang wala itong damit na suot kaya hi
