Nakatulala habang mabagal na naglalakad si Primo palabas ng banyo. Tumatakbo sa isipan niya ang mga nangyari sa pagitan nila ng estrangherong lalaki na si Ronnie. Hindi siya makapaniwala sa nangyari at hindi din niya maintindihan kung bakit apektadong-apektado siya sa para sa kanya ay kakaibang ikinilos nito.
“Kilala niya ako? Mukhang kilala niya ko. Sino ba siya? Bakit ganun siya?” sunod-sunod na tanong ni Primo na puno ng pagtataka.
Napahinga nang malalim si Primo. Naalala niya kung paano siya titigan ni Ronnie sa mga mata niya. Bukod sa kabadong-kabado siya ay mistulang na-hipnotized din siya ng titig nito kaya kahit may bahagi sa kanya na gusto niyang umiwas ay hindi naman niya magawa dahil tila napako ang mga mata niya sa mga mata nito. Pakiramdam niya, kuhang-kuha siya nito at ayaw
