Nasa loob ng parke ang walong taong gulang na batang si Theo kasama ang kanyang kuya na ilang minuto lamang ang tanda sa kanya. Parehas silang naglalakad sa malawak na lugar habang magkahawak pa ang kanilang mga kamay.
Bata pa lamang sila ay malaya na silang nakapunta dito. Ang mga magulang kasi nila ay abala sa trabaho kaya hindi sila natututukan habang ang personal maid naman nilang dalawa, ayun at abala sa pakikipagdaldalan sa mga kapwa katulong kaya hindi namalayan na nakalabas silang dalawa. Malapit lang din ang bahay nila sa park kaya madali silang nakakapamasyal dito.
Tumingin ang kuya ni Theo sa kanya saka ngumiti. “Napapagod ka na ba, Theo?” tanong niya sa nakakabatang kapatid na kakambal din niya.
Tiningnan naman ni Theo ang kanyang kuya. Tumango-tango siya. “Opo,” sagot niya.
