Napapangiti na lamang ng maliit si Primo habang nakikipaglaro siya kay Theodore. Parehas silang nakaupo ng pa-indian sa ibabaw ng kama habang pinaglalaruan nila ang mga dala nitong laruan na robot.
Tuwang-tuwa naman si Theodore habang nakikipaglaro sa kanya si Primo. Hindi maikakaila sa kanya na sabik na sabik ito na makasama si Primo dahil kanina ay sobrang higpit nang yakap nito sa kanya at parang ayaw na siyang pakawalan pa.
Magaan ang loob ni Primo kay Theodore at ‘yun ang nararamdaman niya. Bukod sa nakikita niya ang younger version niya habang tinitingnan niya ito, pakiramdam niya ay dugo at laman niya nga ito. Hindi man niya ito maalala sa isipan ngunit mayroong bahagi sa puso niya na nagtuturong ito nga ang kanyang anak.
“Hindi maikakailang mag-ama nga kayo,” nakangiting sabi ni
