"Mabait 'yang si Engineer," ani Sr. Ramona. Tumabi siya sa 'kin. "Matagal na ba kayong magkakilala?"
"Hindi naman po..." tipid na sagot ko.
Nanatili ang tingin ko kay Jude. Masaya siyang nakikihalubilo sa mga bata. Tapos na ngayon ang graduation ceremony. Nandito na kami sa hall para sa selebrasyon.
"Gustong-gusto siya ng mga bata," dagdag pa ni Sr. Ramona. Pareho kaming nakatitig sa kinaroroonan ni Jude at ng mga bata.
Tumango na lang ako, nanatiling nakahilig sa may pintuan. Pinagmasdan ko ng maigi si Jude. He looks happy playing with kids. Karga pa niya si Tessa, na nakayakap sa kanyang leeg. Mukhang alam niya kung paano maging malapit sa mga bata, ah?
Napaayos ako ng tayo nang mapadako ang tingin niya sa 'kin. Nakangiti pa rin siya, ako naman ay nag iwas ng tingin. Binaling ko ang
