"Uhm, Jude... pwedeng maiwan mo muna kami ni Kellie?" Ani Caryl. Nakangiti siya ngunit batid ko ang lungkot sa kanyang mga mata. "Mag-uusap lang kami."
Kumalabog ang puso ko dahil sa sinabi ng aking kaibigan. She saw us inside my room. Kita ko rin kung paano siya nakatingin sa kuwintas na bigay ni Jude sa akin. Gusto ko sana itong tanggalin ngunit hindi mahanap ng mga kamay ko ang lakas.
"Alright," hinawakan ni Jude ang balikat ni Caryl. Sinulyapan niya ako bago siya lumabas. Nag-iwas ako ng tingin dahil ayokong isipin ng kaibigan ko na may namamagitan sa amin ng lalaking gusto niya.
"Kellie," sambit ni Caryl pagkalabas ni Jude sa kwarto ko. Hinila niya ako patungo sa kama para makaupo. "Si Jude..."
"Caryl," pigil ko sa sasabihin niya. "'Yung nakita mo, wala 'yun. Hindi ko alam na sumu
